kis se poocheiN humm ne kahaaN wo chehra-e-raushan deikha hai
mahfil mahfil DhooNdh chuk'e haiiN gulshan gulshan deikha hai
kisko deikheiN kisko na deikheiN phool bhi haiN kaliyaaN bhi magar
jis se lagaai aaNkh usi ko dil ka dushman deikha hai
rang-e-bahaar-e-subh-e-gulistaaN kya deikh'e wo deewaana
jis ki nazar ne eik hi gul meiN saara gulshan deikha hai
ahl-e-wafa ke Khoon ki chheeNTeiN dooR tak uRhkar jaati haiN
meira taRhapna deikhnewaal'e apna bhi daaman deikha hai
aaj unheiN jo chaah'e samajh lo warna yahi Taskeen* haiN jinheiN
kal tak humm ne koo'e butaaN meiN Khaak ba daaman deikha hai
I love how Akhtari Begum was able to infuse this this pondering, unhurried pace to ghazals, so it never seems like its rushing past you. Wonderful stuff.